ကြံစိုက်ပျိုးရေး

ကြံစိုက်ပျိုးရေးဟာ မြန်မာနိုင်ငံရဲ့ စိုက်ပျိုးစီးပွားကဏ္ဍမှာ အရေးပါတဲ့ အခန်းကဏ္ဍက ပါဝင်နေပါတယ်။ သကြားထုတ်လုပ်ဖိုအတွက်သာမက လူသုံးကုန်နဲ့ တိရိစ္ဆာန်အစာတွေအတွက်ပါ အသုံးဝင်တဲ့ "ကြံစိုက်ပျိုးရေးအကြောင်း တစ်စေ့တစ်စောင်း" ကို အောက်ပါအတိုင်း တင်ပြပေးလိုက်ပါတယ်။

​၁။ မြေအမျိုးအစားနှင့် ရာသီဥတု

​ကြံပင်ဟာ အပူပိုင်းပင်ဖြစ်တဲ့အတွက် နေရောင်ခြည်ကောင်းစွာရရှိဖို လိုအပ်ပါတယ်။

​

ရေစီးရေလာကောင်းမွန်ပြီး မြေဆီလွှာနက်တဲ့ နုန်းမြေ (သိုမဟုတ်) နုန်းစေးမြေ အမျိုးအစားမှာ အကောင်းဆုံးဖြစ်ထွန်းပါတယ်။

​

မြေဆီလွှာရဲ့ ချဉ်ငန်ကိန်း pH တန်ဖိုး 6.5 မှ 7.5 အတွင်းရှိပါက အသင့်တော်ဆုံးပါ။

​တစ်နှစ်ကို မိုးရေချိန် ၄၀ လက်မမှ ၆၀ လက်မဝန်းကျင် လိုအပ်ပါတယ်။

​၂။ မျိုးရွေးချယ်ခြင်းနှင့် စိုက်ပျိုးချိန်

​အောင်မြင်တဲ့ ကြံစိုက်ပျိုးရေးအတွက် မျိုးကောင်းမျိုးသန့် ရွေးချယ်မှုက အဓိကကျပါတယ်။

​အထွက်နှုန်းကောင်းပြီး သကြားဓာတ်များတဲ့ မျိုးများ၊ ပိုးမွှားဒဏ်ခံနိုင်တဲ့ မျိုးများကို ရွေးချယ်ရပါမယ်။

​

မြန်မာနိုင်ငံမှာ အများအားဖြင့် အောက်တိုဘာ/နိုဝင်ဘာ (ဆောင်းစိုက်) နဲ့ ဖေဖော်ဝါရီ/မတ် (နွေစိုက်) ဆိုပြီး နှစ်မျိုးစိုက်ပျိုးကြပါတယ်။

​၃။ စိုက်ပျိုးနည်းစနစ်

​ကြံကို အဓိကအားဖြင့် အဆစ်ပါတဲ့ ကြံပိုင်း (Setts) များဖြင့် စိုက်ပျိုးကြပါတယ်။

​

မြေကို နက်နက်ထွန်ယက်ပြီး မြောင်းဖော်စိုက်ပျိုးရပါတယ်။ မြောင်းတစ်ကြောင်းနဲ့ တစ်ကြောင်း ၃ ပေမှ ၄ ပေခွဲအထိ ခြားသင့်ပါတယ်။

​

ကြံပိုင်းတွေကို မြောင်းထဲမှာ တစ်ခုနဲ့တစ်ခု ထပ်လျက် (သိုမဟုတ်) ထိပ်တိုက်ထိစပ်လျက် စနစ်တကျ ချထားပြီး မြေပါးပါးပြန်ဖုံးပေးရပါတယ်။

​၄။ အပင်ပြုစုစောင့်ရှောက်ခြင်း

​ကြံပင်ဟာ အစာအာဟာရ အလွန်ကြိုက်တဲ့ အပင်ဖြစ်ပါတယ်။

​နိုက်ထရိုဂျင်၊ ဖော့စဖရပ်နဲ့ ပိုတက်စီယမ် (N, P, K) ပါဝင်တဲ့ မြေသြဇာတွေကို အချိုးကျကျွေးပေးရပါတယ်။

​အပင်ငယ်စဉ်မှာ ပေါင်းမြက်တွေက အာဟာရလုယူနိုင်တာကြောင့် အမြဲမပြတ် ရှင်းလင်းပေးဖို လိုပါတယ်။

​ကြံပင်တွေ လဲမကျစေဖိုနဲ့ အမြစ်ခိုင်စေဖိုအတွက် အပင်သက်တမ်း ၃ လမှ ၄ လအတွင်း မြေဆီလွှာကို အပင်ခြေရင်းဆီ ဘောင်တင်ပေးရပါတယ်။

​၅။ ရေသွင်းခြင်းနှင့် ပိုးမွှားကာကွယ်ရေး

​မိုးနည်းတဲ့ဒေသတွေမှာ ၁၀ ရက် ဒါမှမဟုတ် ၁၅ ရက်တစ်ကြိမ် ရေသွင်းပေးဖို လိုအပ်ပါတယ်။

​ကြံပင်မှာ အဓိကကျရောက်တတ်တဲ့ ကြံဆစ်ပိုး နဲ့ ယင်ဖြူ တိုကို သတိထားကာကွယ်ရပါမယ်။

🌿​ကြံပင်ဟာ စိုက်ပျိုးပြီး ၁၀ လကနေ ၁၂ လအကြာမှာ ခုတ်သိမ်းနိုင်တဲ့ အဆင့်ကို ရောက်ရှိပါတယ်။ ကြံပင်ရဲ့ ထိပ်ဖျားပိုင်းက အရွက်တွေ စတင်ဝါလာပြီး ကြံရိုးက တောက်ပြောင်လာရင် ရိတ်သိမ်းဖို အချိန်တန်ပြီလို ယူဆနိုင်ပါတယ်။

#MacNews #ကြံပင်စိုက်ပျိုးရေး #သကြားနှင့်ကြံသကာ